'బాబ్రీ కేసు విచారణ ముగింపునకు 6 నెలలు కావాలి'

బాబ్రీ మసీదు కేసు విచారణ పూర్తి చేసేందుకు మరో 6 నెలల సమయం ఇవ్వాలని సుప్రీంకోర్టును ఆశ్రయించారు ప్రత్యేక న్యాయమూర్తి. విచారణ సమయం పొడగింపుపై జస్టిస్​ ఆర్​ఎఫ్​ నారీమన్​ నేతృత్వంలోని సుప్రీం ధర్మాసనం విచారించింది. న్యాయమూర్తి పదవీ కాలం పెంపుపై ఈ నెల 19లోపు వివరణ ఇవ్వాలని యూపీ సర్కారును ఆదేశించింది.

బాబ్రీ మసీదు కేసు విచారణ పూర్తి చేసేందుకు మరో 6 నెలలు సమయం ఇవ్వాలని సుప్రీం కోర్టును ఆశ్రయించారు ప్రత్యేక న్యాయమూర్తి.

తన పదవీ కాలం ఈ ఏడాది సెప్టెంబర్​ 30తో ముగుస్తుందని గత మే నెలలోనే సర్వోన్నత న్యాయస్థానానికి లేఖ రాశారు ప్రత్యేక జడ్జి.

విచారణ సమయం పొడగింపుపై జస్టిస్​ ఆర్​ఎఫ్​ నారీమన్​ నేతృత్వంలోని ధర్మాసనం పరిశీలించింది. బాబ్రీ కేసు తీర్పు వెలువరించే వరకు ప్రత్యేక జడ్జి పదవీ కాలం పొడగించాలా వద్దా అనే విషయాన్ని ఈ నెల 19లోపు తెలపాలని ఉత్తర్​ప్రదేశ్​ ప్రభుత్వాన్ని ఆదేశించింది.

కేసు విచారణ రెండేళ్లలోపు పూర్తి చేయాలని 2017, ఏప్రిల్​ 19న ప్రత్యేక న్యాయమూర్తిని ఆదేశించింది సుప్రీం కోర్టు.

ఇదీ చూడండి: అయోధ్య కేసు: జులై 25 నుంచి రోజూ విచారణ!