భారీ తుపాను అంపన్ కారణంగా బంగాల్లో నాశనమైన మౌలిక సౌకర్యాలను.. పునరుద్ధరించడానికి సైన్యం రంగంలోకి దిగింది. మమతా బెనర్జీ సర్కార్ అభ్యర్థన మేరకు సైనికులను తరలించినట్లు కేంద్ర వెల్లడించింది.
రాష్ట్రంలో కోల్కతా సహా పలు ప్రాంతాలకు సైన్యాన్ని తరలించినట్లు అధికారులు తెలిపారు. రోడ్లపై పడి ఉన్న చెట్లను తొలగించడానికి సైనిక సిబ్బందిని.. దక్షిణ కోల్‌కతాలోని టోలీగంజ్, బల్లిగంజ్, బెహాలా ప్రాంతాల్లో మోహరించినట్లు తెలిపారు.
రాష్ట్రానికి మరో 10 బృందాలు
'అంపన్' తుపాను ఉపశమన, సహాయక చర్యలను వేగవంతం చేయడానికి... ఇప్పటికే ఆరు తుపాను ప్రభావిత జిల్లాకు 26 జాతీయ విపత్తు ప్రతిస్పందన దళం(ఎన్డీఆర్ఎఫ్) బృందాలను పంపించినట్లు కేంద్రం తెలిపింది. తాజాగా మరో 10 ఎన్డీఆర్ఎఫ్ బృందాలనూ తరలించినట్లు కేంద్రం వెల్లడించింది.
ఇదీ చూడండి: 10 రోజుల్లో మరో 2,600 రైళ్లు- 36 లక్షల మంది టార్గెట్
