దేశంలో కరోనాతో మరో 73 మంది మృతి

భారత్​లో కరోనా కేసుల సంఖ్య 35 వేలు దాటింది. 24 గంటల్లోనే మరో 73 మంది ప్రాణాలు కోల్పోయారు. ఇప్పటి వరకు కొవిడ్​ కారణంగా దేశంలో 1,147 మంది మరణించారు. మరో 8,888 మంది కోలుకున్నారు.

దేశంలో కరోనా మృతుల సంఖ్య 1,147కు పెరిగింది. మొత్తం 35 వేల 43 మంది వైరస్​ బారిన పడ్డారు. ఇప్పటి వరకు 8,888 మంది కోలుకోగా.. భారత్​లో యాక్టివ్​ కేసుల సంఖ్య 25,007గా ఉంది.

దేశంలో కరోనా వైరస్​ వివరాలు

24 గంటల వ్యవధిలోనే 1993 మందికి వైరస్​ సోకగా.. 73 మంది మృతి చెందారు.

దేశంలో కరోనా వైరస్​ తీవ్రంగా ఉన్న మహారాష్ట్రలో కేసులు 10 వేల 498కి చేరాయి. ఇప్పటివరకు రాష్ట్రంలో 1773 మంది కోలుకున్నారు. మరో 459 మంది మరణించారు. గుజరాత్​లో మృతుల సంఖ్య 214కు చేరింది.

ఆంధ్రప్రదేశ్​లో 1403, తెలంగాణలో 1038 మంది కరోనా బారిన పడ్డారు.