హరియాణా: గోడ కూలి ఐదుగురు మృతి

హరియాణాలోని అంబాలాలో గోడ కూలి ఐదుగురు మరణించారు. వీరిలో ముగ్గురు చిన్నారులున్నారు. డ్రైనేజ్​ లీకై గోడకు పగుళ్లు రావడం వల్ల ఈ ఘటన చోటుచేసుకుంది.

హరియాణాలో విషాదం చోటుచేసుకుంది. అంబాలా కంటోన్మెంట్​లోని మురికివాడలో గోడ కూలి ముగ్గురు చిన్నారులు సహా ఐదుగురు మృతిచెందారు.​ వీరందరు రోజువారీ కూలీలే.

డ్రైనేజ్​ వ్యవస్థే కారణం...

ఘటనాస్థలం పక్కనే ఓ బహుళ అంతస్తుల పార్కింగ్​ స్థలాన్ని నిర్మిస్తున్నారు. గత కొంతకాలంగా ఈ పనులు జరుగుతున్నాయి. డ్రైనేజ్​ వ్యవస్థలోనూ మార్పులు చేశారు. కానీ ఆ డ్రైనేజ్​ నీరు మెల్లిగా గోడలోకి చేరింది. దీని వల్ల గోడలో పగుళ్లు ఏర్పడ్డాయి. శుక్రవారం రాత్రి.. పక్కనే ఉన్న మురికివాడపై గోడ కూలింది. ఈ ఘటనలో ఐదుగురు మరణించారు. వీరిలో ముగ్గురు చిన్నారులున్నారు.

ప్రమాదం జరిగిన సమయంలో ఘటనాస్థలంలో 12 మంది ఉన్నారు. ఆరుగురు సురక్షితంగా బయటపడ్డారు. వీరందరూ టీవీ చూస్తున్నప్పుడు ఈ ప్రమాదం జరిగింది. సమాచారం అందుకున్న పోలీసులు క్షతగాత్రులను సమీప ఆసుపత్రికి తరలించారు.

ఇదీ చూడండి:- నవరాత్రి స్పెషల్​: సూరత్​లో 'మోదీ' నృత్యం..!​