మితిమీరిన వేగానికి 11 మంది బలి

ఝార్ఖండ్​ హజారీబాగ్​ జిల్లాలోని చౌపారణ్ వద్ద​ రహదారిపై వెళుతున్న లారీని ఓ ప్రైవేట్​ బస్సు వెనకనుంచి వేగంగా ఢీకొట్టింది. ఈ ఘటనలో 11 మంది మృతి చెందగా 26 మంది గాయపడ్డారు.

ఝార్ఖండ్​ హజారీబాగ్​లో ఘోర రోడ్డు ప్రమాదం సంభవించింది. రాంచీ నుంచి పట్నా వెళుతున్న మహారాణి బస్సు.. చౌపారణ్​ సమీపంలోని దనువా లోయ వద్ద ఓ లారీని వెనక నుంచి వేగంగా ఢీకొట్టింది. ఈ ఘటనలో 11 మంది మృతి చెందారు. మరో 26 మంది గాయపడ్డారు.

అధికారులు సహాయక చర్యలు ప్రారంభించారు. క్షతగాత్రులను చౌపారణ్​ ఆసుపత్రికి తరలించారు. తీవ్రంగా గాయపడిన వారిని జిల్లా కేంద్రం హజారీబాగ్​కు తీసుకెళ్లారు.

మూణ్నెల్ల కాలంలోనే ధనువా లోయ వద్ద చాలా ప్రమాదాలు జరిగాయి. అధికారులు మాత్రం ఎలాంటి చర్యలు తీసుకోవటంలేదని స్థానికులు ఆందోళన వ్యక్తం చేస్తున్నారు.

ఇదీ చూడండి: లండన్​లో విజయ్​ మాల్యాకు 'చోర్ ​హై' షాక్