Best Freelance Websites In Telugu : నేటి యువత ఆఫీస్కు వెళ్లి ఉదయం 9 గంటల నుంచి సాయంత్రం 5 వరకు జాబ్స్ చేయడానికి ఏ మాత్రం ఆసక్తి చూపడం లేదు. ఇంట్లోనే ఉంటూ, తమకు వీలైన సమయంలో, తమకు నచ్చిన పని చేయడానికి ఉత్సాహం చూపిస్తున్నారు. మరికొందరు ఉన్నత విద్య అభ్యసించి కూడా.. సరైన ఉద్యోగం లభించక ఇబ్బంది పడుతుంటారు. వీరు కూడా తమ స్కిల్కు సరిపోయే ఫ్రీలాన్సింగ్ జాబ్స్ కోసం చూస్తుంటారు. అందుకే ఇలాంటి వారందరికీ ఉపయోగపడే కొన్ని నమ్మదగిన ఫ్రీలాన్సింగ్ వెబ్సైట్స్ గురించి ఇప్పుడు తెలుసుకుందాం.
Best Freelance Websites List :
- Fiverr : డిజిటల్ మార్కెటింగ్, వెబ్ డెవలప్మెంట్, సోషల్ మీడియా రిలేటెడ్ వర్క్ చేయడానికి ఇది బెస్ట్ ఆప్షన్ అని చెప్పవచ్చు. వాస్తవానికి దీనిలో చాలా భిన్నమైన కేటగిరీలు ఉంటాయి. కనుక మంచి కోడింగ్, డిజైన్ స్కిల్స్ ఉన్నవారికి ఇక్కడ కచ్చితంగా మంచి వర్క్ దొరుకుతుంది. ఈ Fiverr వైబ్సైట్లో ఉచితంగా రిజిస్ట్రేషన్ చేసుకోవచ్చు. పైగా మీ స్కిల్స్ను ఇంకా ఇంఫ్రూవ్ చేసుకోవడానికి ఆన్లైన్ కోర్సులు కూడా అందుబాటులో ఉంటాయి. ఈ Fiverr వైబ్సైట్లో మీరు ఒక ప్రాజెక్ట్ పూర్తి చేశారంటే.. టోటల్ గిగ్లో 20 శాతం కమిషన్గా పోగా.. మిగతా 80% మనీ మీ అకౌంట్లో డిపాజిట్ అయిపోతుంది. ఈ Fiverr వెబ్సైట్లో దాదాపు 3.42 మిలియన్ల యాక్టివ్ బయ్యర్లు ఉన్నారు. కనుక మంచి స్కిల్ ఉండి, పెర్ఫెక్ట్గా వర్క్ చేసినవారికి మంచి ప్రాజెక్టులు వస్తాయి. దానికి తగ్గ ఆదాయం కూడా లభిస్తుంది.Fiverr
- Freelancer.com : ఈ ఫ్రీలాన్సర్.కామ్ వెబ్సైట్లో.. కంటెంట్ ట్రాన్స్లేషన్, వెబ్ డెవలప్మెంట్, సోషల్ మీడియా మార్కెటింగ్ జాబ్స్ ఉంటాయి. ప్రపంచవ్యాప్తంగా ఉన్న పెద్ద కంపెనీలు, ప్రొఫెషనల్స్ ఇందులో ప్రాజెక్టులు చేస్తుంటారు. కనుక ఈ వెబ్సైట్కు బెస్ట్ యూజర్ బేస్ ఉంది. మీకు గనుక హయ్యర్ క్వాలిఫికేషన్, బెస్ట్ స్కిల్స్ ఉంటే.. వీటిలో మీకు మంచి ప్రాజెక్ట్ రావడం గ్యారెంటీ. దీనిలో ఉన్న మంచి విషయం ఏమిటంటే.. వెబ్సైట్ వాళ్లు కమిషన్గా కేవలం 10% మాత్రమే తీసుకుంటారు. మిగతా 90% అమౌంట్ మీ బ్యాంక్ ఖాతాలో జమ అవుతుంది.Freelancer.com
- Upwork : బ్రాండ్ మార్కెటింగ్, ప్రోగ్రామింగ్, వెబ్సైట్ డిజైనింగ్ లాంటి వర్క్స్ ఇక్కడ లభిస్తాయి. దీనిలో ప్రధానంగా బడ్జెట్ బేస్డ్ ప్రాజెక్టులు ఉంటాయి. కనుక కొత్తగా ఫ్రీలాన్సింగ్ చేసేవాళ్లకు కూడా ఇందులో ప్రాజెక్ట్స్ లభించే అవకాశం ఉంటుంది. కానీ ఇందులో వెబ్సైట్ వాళ్లకు 20% వరకు కమిషన్ చెల్లించాల్సి ఉంటుంది.upwork
- Guru : మార్కెటింగ్, ప్రోగ్రామింగ్, అడ్మినిస్ట్రేషన్కు చెందిన ప్రాజెక్టులు ఈ Guru వెబ్సైట్లో ఉంటాయి. దీనిలో ఫ్రీ మెంబర్షిప్ ఫెసిలిటీ ఉంది. అలాగే కస్టమైజ్డ్ జాబ్ లిస్టింగ్స్ కూడా ఉంటాయి. కనుక చాలా సులువుగా మీ కేటగిరీ ప్రాజెక్టులను వెతుక్కోవచ్చు. కానీ దీనిలో చాలా మంది ఫేక్ క్లైంట్స్ కూడా ఉంటారు. కనుక అలాంటి వారి విషయంలో చాలా జాగ్రత్తగా ఉండాలి.Guru
- Toptal : సాఫ్ట్వేర్ డెవలప్మెంట్, ఫైనాన్సియల్ కన్సల్టింగ్, ఇంటరిమ్ మేనేజ్మెంట్ జాబ్స్ ఇందులో ఉంటాయి. దీనిలో బెస్ట్ కంపెనీలు, టాలెంటెడ్ పీపుల్ ప్రాజెక్టులు చేస్తూ ఉంటారు. వాస్తవానికి ఈ వెబ్సైట్లో కేవంల బిగ్ బడ్జెట్ ప్రాజెక్టులు మాత్రమే చేస్తూ ఉంటారు. అందుకే హైలీ క్వాలిఫైడ్, సూపర్ స్కిల్డ్ పీపుల్కు మాత్రమే ఇందులో ప్రాజెక్టులు లభించే అవకాశం ఉంటుంది. పేమెంట్ కూడా భారీగానే ఉంటుంది.Toptal
- Jooble : కంటెంట్ రైటింగ్, గ్రాఫిక్ డిజైన్, డేటా ఎంట్రీ జాబ్స్ చేయాలని అనుకునేవారికి Joobly బెస్ట్ ఆప్షన్ అని చెప్పవచ్చు. దీనిలో లక్షలాది ప్రాజెక్టులు ఉంటాయి. అయితే వాటిలో మీకు నచ్చిన వాటిని ఎంచుకోవాల్సి ఉంటుంది. మీకు గనుక ప్రాజెక్ట్ ఓకే అయితే.. ఈ-మెయిల్ ద్వారా అలర్ట్ వస్తుంది.Jooble
- Flexjobs : కంటెంట్ రైటింగ్, కంటెంట్ మార్కెటింగ్, ట్రాన్స్క్రిప్షన్ వర్క్లు ఇందులో లభిస్తాయి. అంతేకాదు ఇందులో స్కామ్-ఫ్రీ ప్రొటక్షన్ కూడా ఉంటుంది. కానీ ఇందులో పనిచేయాలంటే సబ్స్క్రిప్షన్ ప్లాన్ను కొనుగోలు చేయాల్సి ఉంటుంది.Flexjobs
- LinkedIn : కాపీ రైటింగ్, ట్రాన్స్లేషన్, గ్రాఫిక్ డిజైన్ లాంటి ప్రాజెక్టులు ఇందులో ఉంటాయి. అంతేకాదు నెట్వర్క్ ఆపర్చూనిటీస్, రీసెంట్ న్యూస్ అప్డేట్స్, జాబ్ అప్డేట్స్ కూడా ఇందులో ఉంటాయి. అయితే ఈ ప్లాట్ఫాంలో చాలా వరకు నకిలీ యూజర్లు ఉంటారు. కనుక ప్రాజెక్టులు చేసే ముందు చాలా జాగ్రత్తగా అన్ని విషయాలను సరిచూసుకోవాల్సి ఉంటుంది.
- SimplyHired : హ్యూమన్ రిసోర్స్, ఫైనాన్స్, డేటా ఎంట్రీ లాంటి ప్రాజెక్టులు ఇందులో ఉంటాయి. అంతేకాదు.. ఇందులో ఫ్రీ జాబ్ టూల్స్ కూడా అందుబాటులో ఉంటాయి.
- 99designs : వెబ్ డెవలప్మెంట్, లోగో, గ్రాఫిక్ డిజైన్ లాంటి వర్క్స్ ఇందులో ఉంటాయి. ఇందులో పేమెంట్ సెక్యూరిటీ ఉంటుంది. అంటే మీరు చేసే ప్రాజెక్టుకు కచ్చితంగా డబ్బులు వస్తాయి. కానీ ఈ ప్లాట్ఫాం వాళ్లు 5% నుంచి 15% వరకు కమిషన్ను వసూలు చేస్తారు.
ఇవే కాదు.. ఆన్లైన్లో వెతికితే.. ఇంకా చాలా ఫ్రీలాన్సింగ్ వెబ్సైట్స్ కనిపిస్తాయి. అయితే వీటిలో చాలా వరకు నకిలీ వెబ్సైట్స్ కూడా ఉంటాయి. కనుక వీలైనంత వరకు పాపులర్ వెబ్సైట్లను ఎంచుకోవడమే మంచిది.
సొంతంగా వెబ్సైట్ : మీరు కనుక సొంతంగా వెబ్సైట్ క్రియేట్ చేసుకుంటే.. అందులోనే చాలా సులువుగా ఫ్రీలాన్సింగ్ వర్క్ చేసుకోవచ్చు. కాకపోతే, అది సక్సెస్ కావడానికి కాస్త సమయం పట్టవచ్చు. కానీ ఒకసారి అది క్లిక్ అయ్యిందంటే.. ఇకమీరు వెనుదిరిగి చూసుకోవాల్సిన అవసరం ఉండదు.
Salary Negotiation Tips : జీతభత్యాలు గురించి మాట్లాడాలా?.. ఈ టిప్స్తో బెస్ట్ ప్యాకేజీ గ్యారెంటీ!
