Bengaluru ESIC hospital: కర్ణాటక బెంగళూరులోని ఈఎస్ఐసీ ఆస్పత్రిలో కొవిడ్తో చనిపోయిన ఇద్దరి మృతదేహాలను కుళ్లిపోయిన స్థితిలో గుర్తించిన ఘటనపై కార్మిక మంత్రిత్వ శాఖ కఠిన చర్యలు తీసుకుంది. ఆ ఆసుపత్రి డీన్ డాక్టర్ జితేంద్ర కుమార్ను తొలగించింది. ఆయన స్థానంలో డాక్టర్ రేణుకా రామయ్యను నియమించింది.
అమానవీయం..
Covid dead bodies in ESI Hospital: కరోనా బాధితులైన 40 ఏళ్ల మహిళ, ఓ 50 ఏళ్ల పురుషుడు.. బెంగళూరు రాజాజీనగర్లోని ఎంప్లాయిస్ స్టేట్ ఇన్సూరెన్స్ కార్పొరేషన్(ఈఎస్ఐసీ) ఆస్పత్రిలో గతేడాది జూన్లో చేరారు. అదే ఏడాది జులైలో ఆస్పత్రిలోనే చికిత్స పొందుతూ వారు మరణించారు. అప్పటి నుంచి వారి మృతదేహాలు ఆదే ఆస్పత్రిలో ఉండిపోయాయి. ఆ మృతదేహాలకు అంత్యక్రియలు నిర్వర్తించకుండా అలాగే వదిలేశారు.
నవంబరు 26న హౌస్కీపింగ్ సిబ్బంది ఆస్పత్రిలోని కోల్డ్ స్టోరేజీ క్లీనింగ్ కోసం వెళ్లగా.. అసలు విషయం బయటపడింది.
ఈ ఘటనపై రాజకీయ నేతలు తీవ్ర ఆగ్రహం వ్యక్తం చేశారు. ఈ అమానవీయ ఘటనపై దర్యాప్తు జరపాలని, దీనికి బాధ్యులైన వారిపై కఠిన చర్యలు తీసుకోవాలని కర్ణాటక కార్మిక శాఖ మంత్రి ఏ శివరామ్ హెబ్బార్కు భాజపా ఎమ్మెల్యే, మాజీ మంత్రి ఎస్ సురేష్ కుమార్ లేఖ రాశారు.
ఇదీ చూడండి: 235 కేజీల భారీకాయుడికి ఆపరేషన్.. కొద్దిగంటల్లోనే అనూహ్య మార్పు!
