మత్తు పదార్థాలు విక్రయిస్తున్న ముగ్గురు ఫుడ్ డెలివరీ బాయ్స్ను పోలీసులు అరెస్టు చేశారు. నిందితుల నుంచి 13 ప్యాకెట్ల బ్రౌన్ షుగర్ స్వాధీనం చేసుకున్నారు. సుమారు 6 గ్రాములు ఉంటుందని పోలీసులు తెలిపారు. ఈ ఘటన అసోంలోని గువాహటిలో జరిగింది.
గువాహటిలోని పల్టాన్ బజార్లో పోలీసులు తనిఖీలు నిర్వహించారు. ఈ క్రమంలో ఫుడ్ డెలివరీ ముసుగులో డ్రగ్స్ అమ్ముతున్న ముగ్గురు వ్యక్తులు పోలీసులకు చిక్కారు. నిందితులు జొమాటో, స్విగ్గీలో పనిచేస్తూ.. డ్రగ్స్ను విక్రయిస్తున్నట్లు గుర్తించారు. మత్తు పదార్థాల కోసం నిందితుల ఇళ్లలో సోదాలు జరిపినట్లు వెల్లడించారు.
ఇవీ చదవండి: జేసీబీ- బస్సు ఢీ.. 17 మంది మృతి
