ఒడిశాలోని అంగుల్ జిల్లాలో ఘోర ప్రమాదం జరిగింది. బుర్ల నుంచి ఏడుగురు రోగులతో కటక్ వెళుతున్న అంబులెన్సును వేగంగా వచ్చిన ట్రక్కు ఢీ కొట్టింది. జాతీయ రహదారి55పై జరపద చక్క్ వద్ద జరిగిన ఈ దుర్ఘటనలో నలుగురు అక్కడికక్కడే మృతి చెందారు. మరో ముగ్గురు తీవ్రంగా గాయపడ్డారు.
సమాచారం అందుకున్న పోలీసులు ఘటనా స్థలికి చేరుకున్నారు. గాయపడిన వారిని ఆసుపత్రికి తరలించారు. మృతదేహాల్ని పోస్టు మార్టంకు పంపించిన పోలీసులు కేసు నమోదు చేసుకుని దర్యాప్తు చేస్తున్నారు. ట్రక్కును సీజ్ చేసి, డ్రైవర్ను అదుపులోకి తీసుకున్నారు.
ఇదీ చదవండి: బాలికపై గ్యాంగ్ రేప్- దోషులకు 20 ఏళ్ల జైలు
