Agni Kheli festival: కర్ణాటకలోని మంగళూరులోని కటీలులో దుర్గాపరమేశ్వరి జాతర ఘనంగా జరుగుతుంది. వేలాది మంది భక్తులు ఈ సంబరాల్లో పాల్గొంటారు. అత్తూర్, కొడతూర్ గ్రామాల మధ్య 'అగ్ని కేళీ' సమరమే ఈ జాతరకు హైలైట్గా నిలుస్తుంది. భీకర యుద్ధాన్ని తలపిస్తోంది ఈ ఆట.
శుక్రవారం ఈ దృశ్యాలు కనిపించాయి. భగభగ మండే కొబ్బరి కాగడాలు విసురుకుంటూ ఆడే ఆట ఈ 'అగ్ని కేళీ' జాతర ప్రత్యేకత. కుంకుమ, పసుపు ఒంటికి పూసుకొని ఈ ఆటలో భక్తులు పాల్గొన్నారు. ఈ ఆటలో భాగస్వామ్యమైనవారు.. స్నేహితులు, తెలిసిన వారే అయినప్పటికీ శత్రువుల్లా బరిలోకి దిగుతారు. పైవస్త్రాలేవీ లేకుండా.. కేవలం పంచె ధరించి పోటీపడతారు. ఈ సమరంలో గాయాలైన వారు వైద్యం చేయించుకోరు.. గాయాలపై అమ్మవారి కుంకుమ నీళ్లు చల్లుతారు. ప్రతి సంవత్సరం ఏప్రిల్ నెలలో ఎనిమిది రోజులు పాటు ఘనంగా ఈ జాతర జరుగుతుంది.
ఇదీ చదవండి: ఎన్ఆర్ఐలకు గుడ్న్యూస్.. త్వరలో 'పోస్టల్ బ్యాలెట్' సౌకర్యం!
