Accident In Gujarat: అతివేగంగా వచ్చిన ఓ మినీవ్యాన్ మరో వాహనాన్ని వెనుకనుంచి ఢీకొట్టింది. ఈ ప్రమాదంలో ఐదుగురు మృతిచెందారు. మరో 10 మందికి గాయాలయ్యాయి. ఈ ఘటన గుజరాత్, అహ్మదాబాద్ జిల్లాలో జరిగింది.
శనివారం రాత్రి.. బోటద్ జిల్లాలోని ఆలయాన్ని దర్శించుకునేందుకు వడోదరా నుంచి ఓ మినీవ్యాన్లో కొంతమంది బయల్దేరారు. మార్గమధ్యలో ధోల్కానగరం వద్ద వ్యాన్, మరో వాహనాన్ని ఢీకొట్టినట్లు ధోల్కాస్టేషన్ పోలీసులు తెలిపారు.
మృతుల్లో ముగ్గురు మహిళలు, వ్యాన్ డ్రైవర్ ఉన్నారని తెలిపారు. క్షతగాత్రులు ప్రస్తుతం ఆస్పత్రిలో చికిత్స పొందుతున్నారని వివరించారు. బాధితులంతా 27-48ఏళ్ల వయసు వారేనని తెలిపారు. ఈ ఘటనపై కేసు నమోదు చేసి, దర్యాప్తు చేస్తున్నట్లు చెప్పారు.
బస్సు- ట్రక్కు ఢీకొని..
మహారాష్ట్రలో బస్సు- ట్రక్కు ఢీకొన్న ఘటనలో ఆరుగురు మృతిచెందగా, మరో 10 మందికి గాయాలయ్యాయి. ఆదివారం ఉదయం ఈ ప్రమాదం జరిగింది. ఔరంగబాద్లోని లాథూర్ నుంచి వచ్చిన బస్సు బర్దాపుర్ వద్ద ట్రక్కును ఢీకొంది.
ఘటనాస్థలికి చేరుకున్న పోలీసులు క్షతగాత్రులను స్థానిక ఆస్పత్రికి తరలించారు. మృతుల వివరాలు ఇంకా తెలియాల్సి ఉందన్నారు.
ఇదీ చూడండి: మల విసర్జనకు వెళ్లిన అమ్మాయి శవమై..
