ముగ్గురు పిల్లలతో కాలువలో దూకిన తల్లి

కర్ణాటకలో ఓ మహిళ ముగ్గురు పిల్లలతో పాటు తానూ ఆత్మహత్య చేసుకుంది. కాలువలోకి దూకి బలవన్మరణానికి పాల్పడింది. ముగ్గురు చిన్నారుల మృతదేహాలను నీటిలో నుంచి వెలికి తీశారు.

కర్ణాటకలోని కొడాగు జిల్లాలో ఓ మహిళ తన ముగ్గురు పిల్లలతో కాలువలో దూకి బలవన్మరణానికి పాల్పడింది. కుషాల్​నగర్​ పోలీస్ స్టేషన్​ పరిధిలో ఈ విషాద ఘటన జరిగింది.

ఇదీ జరిగింది..

చిత్రదుర్గా ప్రాంతానికి చెందిన చెన్నమ్మ(28) తన కుటుంబంతో హెబ్బళే ప్రాంతానికి వలస వెళ్లింది. అక్కడ అల్లం పంట సాగుచేస్తూ జీవనం సాగిస్తోంది. అయితే.. కుటుంబ కలహాల కారణంగా తన ముగ్గురు పిల్లల(వినయ్​, విజయ్​, దీక్ష)తో ఆమె ఆత్మహత్య చేసుకుంది.

ఈ ఘటనలో ముగ్గురు చిన్నారుల మృతదేహాలను వెలికితీశారు అధికారులు. చెన్నమ్మను బయటకుతీసేందుకు ప్రయత్నిస్తున్నారు.

ఈ వ్యవహారంపై కుశాల్​నగర్​ పోలీసులు కేసు నమోదు చేసుకొని దర్యాప్తు చేపట్టారు.

ఇదీ చదవండి: అంబులెన్సు-ట్రక్కు ఢీ.. ముగ్గురు మృతి