పిడుగుపాటుకు ఒకే కుటుంబంలోని ఐదుగురు దుర్మరణం పాలయ్యారు. ఝార్ఖండ్ రాష్ట్రం ఖుంటీ జిల్లాలోని దహుటోలీ ప్రాంతంలో ఈ ఘటన జరిగింది.
ఎలా జరిగిందంటే..
వరి నాట్లు వేసేందుకు కుటుంబ సభ్యులంతా పొలానికి వెళ్లిన సమయంలో ఒక్కసారిగా భారీ వర్షం కురిసింది. దీంతో వానలో తడవకుండా ఉండేందుకు ఓ పెద్ద చెట్టు కిందకు చేరుకున్నారు. అదే సమయంలో చెట్టుపై పిడుగు పడింది. మరణించిన వారిలో 55 ఏళ్ల వ్యక్తి, ఆయన భార్య, కుమారుడు, కోడలు, మనవడు ఉన్నారు. మరోవైపు రెండున్నరేళ్ల చిన్నారి తీవ్రంగా గాయపడింది.
ఇదీ చదవండి: ప్రేమించిందని బాలికను చావబాదిన తండ్రి, సోదరుడు
