బిహార్ పట్నా వరుస బాంబు పేలుళ్ల (Patna Rally Blast) కేసులో ఆరోపణలు ఎదుర్కొంటున్న 11 మందిలో 10మందిని జాతీయ దర్యాప్తు సంస్థ (ఎన్ఐఏ) ప్రత్యేక న్యాయస్థానం దోషులుగా తేల్చింది. సరైన ఆధారాలు లేని కారణంగా ఓ వ్యక్తిని నిర్దోషిగా విడుదల చేసింది.
2013లో ఎన్‌డీఏ ప్రధానమంత్రి అభ్యర్థిగా నరేంద్రమోదీని (Narendra Modi Rally) ప్రకటించిన సందర్భంగా పట్నాలోని గాంధీ మైదానంలో సెప్టెంబర్ 27న హుంకార్‌ పేరుతో భారీ ర్యాలీ చేపట్టారు. ఈ ర్యాలీలో ఒక్కసారిగా ఆరు బాంబులు పేలాయి. ఈ ఘటనలో మొత్తం ఆరుగురు ప్రాణాలు కోల్పోయారు. మరో 70 మంది గాయాలపాలయ్యారు.
వీటిలో రెండు బాంబులు మోదీ ప్రసంగ వేదికకు 150 మీటర్ల దూరంలో పేలాయి. అయితే ఈ పేలుళ్లన్నీ మోదీ, భాజపా నాయకుల రాకకు ముందే జరగడం వల్ల పెను ప్రమాదం తప్పింది. దీనిపై కేసు నమోదు చేసిన ఎన్ఐఏ 11 మందిని నిందితులుగా పేర్కొనగా.. 10 మంది దోషిగా తేలారు. వీరికి నవంబర్ 1న న్యాయస్థానం శిక్ష ఖరారు చేయనుంది.
ఈ బాంబు పేలుళ్లకు బాధ్యతవహిస్తున్నట్లు ఏ ఉగ్రవాస సంస్థ ప్రకటించినప్పటికీ సిమీ ప్రమేయం ఉండి ఉంటుందని అనుమానిస్తున్నారు. ఈ ఉగ్రసంస్థే ఇండియన్ ముజాహిదీన్గా మారింది.
ఇదీ చూడండి: 'రాజీనామా అక్కర్లేదు.. చట్టప్రకారమే వాంఖడే ఉద్యోగం పోతుంది'
