భారత్​లో కరోనా కల్లోలంపై ప్రవాసాంధ్రుల పాట

ప్రపంచవ్యాప్తంగా కరోనా మహమ్మారి అన్ని రంగాలను, అన్ని వర్గాల వారిని తీవ్ర ఇబ్బందులకు గురిచేస్తోంది. మన దేశంలో కరోనా సెకండ్​ వేవ్​ విలయం సృష్టించి ఇప్పుడిప్పుడే తగ్గముఖం పడుతోంది. తెలుగు రాష్ట్రాల్లో కొవిడ్‌ బారినపడిన అనేక మంది ప్రాణాలు కోల్పోయారు. వర్తమాన పరిస్థితులను పరిగణనలోకి తీసుకుని ప్రవాసాంధ్రుడు అట్లూరి అశ్విన్‌ ఓ పాటను రూపొందించి సామాజిక మాధ్యమాల్లో విడుదల చేశారు. ఈ పాటను సినీగీత రచయిత చైతన్యప్రసాద్‌ రాశారు. ఖుద్దాస్‌ సంగీతం అందించారు. సినీగాయని మాళవిక గొంతు నుంచి పలికిన ఈ పాటకు దొండపాటి రాజేష్‌చౌదరి ఎడిటర్‌గా వ్యవహరించారు. భరత దేశపు చిత్రపటమే.. చితుల పటమౌతున్నదే.. శివుని గంగే శవము గంగై.. సిగ్గుపడిపోతున్నదే.. బితుకు బితుకని.. భయమే.. గుండె గుండెలొ నిండగా.. అంటూ ఈ పాట సాగుతుంది.