Volunteer Withdraw Money From Woman Account: మహిళ ఖాతాలో నగదు మాయం.. ఏలూరు జిల్లాలో వాలంటీర్​ నిర్వాకం

Volunteer Withdraw Money From Woman Account: ఒంటరి మహిళకు చెందిన బ్యాంకు ఖాతా నుంచి ఆమెకు తెలియకుండా గ్రామ వాలంటీర్ రూ.1.70లక్షలు కాజేసిన సంఘటన ఏలూరు జిల్లాలో జరిగింది.  కొయ్యలగూడెం గ్రామానికి చెందిన నాగమణి అనే మహిళ ఇటీవల తన ఖాతాలో నగదును జమ చేసేందుకు బ్యాంకు​కు వెళ్లింది. నగదు జమ చేసిన అనంతరం తన ఖాతాలో ఇంకా బ్యాలెన్స్​ ఎంత ఉందని అక్కడి సిబ్బందిని ఆరా తీసింది. ఇటీవల జమ చేసిన రూ.13,500 మత్రమే ఖాతాలో ఉన్నాయని బ్యాంక్​ సిబ్బంది చెప్పడంతో ఆమె అశ్చర్యపోయింది. తన ఖాతాలో రూ.1.70 లక్షలు ఉండేవని.. వాటిని తాను తీసుకోలేదని.. ఆ నగదు ఏమయ్యాయో చెప్పాలంటూ బ్యాంక్​ సిబ్బంది ముందు నాగమణి  బోరుమంది.  ఆమె అభ్యర్థన మేరకు బ్యాంకు స్టేట్​మెంట్​ను పరిశీలించిన​ సిబ్బంది.. వేలిముద్ర ద్వారా నగదును తీసుకున్నట్లు గుర్తించారు. అదే విషయాన్ని నాగమణికి తెలియజేశారు. దీంతో తన వద్ద తరచూ వేలిముద్రలు తీసుకుంటున్న వాలంటీర్​ వినయ్​ నగదు కాజేసినట్లు భావించిన ఆమె.. అతడిపై పోలీసులకు ఫిర్యాదు చేసింది.