Sarpanches Met Nara Lokesh: హక్కుల కోసం పోరాడే సర్పంచులకు పూర్తి మద్దతుగా ఉంటాం: లోకేశ్​

Sarpanches Met Nara Lokesh: హక్కుల కోసం పోరాడే సర్పంచ్​లకు తమ పూర్తి మద్దతు ఉంటుందని తెలుగుదేశం పార్టీ జాతీయ ప్రధాన కార్యదర్శి నారా లోకేశ్​ హామీ ఇచ్చారు. మంగళగిరి నియోజకవర్గం నిడమర్రులో నారా లోకేశ్​ పాదయాత్ర సందర్భంగా ఉమ్మడి గుంటూరు జిల్లా సర్పంచ్​లు ఆయన్ను కలిసి వినతి పత్రం అందించారు. ప్రభుత్వం కొల్లగొట్టిన 14, 15 ఆర్ధిక సంఘం నిధులు తిరిగి ఇప్పించేలా చొరవ తీసుకోవాలని విజ్ఞప్తి చేశారు. పంచాయతీ రాజ్ శాఖా మంత్రిగా లోకేశ్​ తీసుకొచ్చిన ఎన్నో సంస్కరణలను వైసీపీ ప్రభుత్వం నిర్వీర్యం చేసిందని మండిపడ్డారు. తెలుగుదేశం అధికారంలోకి వస్తే పంచాయతీలను ఏ విధంగా అభివృద్ధి చేస్తుందో ఎన్నికల మేనిఫెస్టోలో చేర్చాలని ఈ సందర్భంగా లోకేశ్​ను సర్పంచ్​లు కోరారు. సర్పంచ్​లు, ఎంపీటీసీలు, జెడ్పీటీసీల కుటుంబ సభ్యులకు ఏడాదిలో ఒకరోజు తిరుమల బ్రేక్ దర్శనం కల్పించేలా చర్యలు తీసుకోవాలని కోరారు. సర్పంచుల సమస్యలు విన్న లోకేశ్​.. పంచాయతీలకు పూర్వ వైభవం తీసుకొస్తామని భరోసా ఇచ్చారు.