NIA Raids in PFI Leaders Houses in Kurnool: కర్నూలులో పీఎఫ్‌ఐ నాయకుల ఇళ్లల్లో ఎన్‌ఐఏ సోదాలు

NIA Raids Houses of PFI Leaders in Kurnool: తెలుగు రాష్ట్రాల్లో నేషనల్ ఇన్వెస్టిగేషన్ ఏజెన్సీ (ఎన్​ఐఏ) సోదాలు చేశారు.  పాపులర్ ఫ్రంట్ ఆఫ్ ఇండియా (పీఎఫ్​ఐ)తో సంబంధాలు ఉన్న వ్యక్తుల ఇళ్లలో తనిఖీలు చేశారు. ఆంధ్రప్రదేశ్​లోని కర్నూలులో ఎన్​ఐఏ అధికారులు తెల్లవారుజామున నుంచి సోదాలు చేశారు. పీఎఫ్​ఐకి చెందిన ఇద్దరు నాయకుల ఇళ్లలో ఎన్​ఐఏ అధికారులు సోదాలు చేశారు. పాత నగరానికి చెందిన అబ్దుల్, ఆటో నగర్​కు చెందిన అమీర్ ఇంట్లో అధికారులు సోదాలు చేసి అనంతరం వారిని కర్నూలు రెండవ పట్టణ పోలీస్ స్టేషన్ పక్కన ఉన్న పోలీస్ రెస్ట్ హౌస్​కు తరలించి విచారిస్తున్నారు. అదే విధంగా తెలంగాణలో కరీంనగర్​కు చెందిన తబరాజ్ అనే వ్యక్తి ఇంట్లో తనిఖీలు చేసి.. వారి కుటుంబ సభ్యులను విచారించారు. కాగా తబరాజ్ కొద్ది నెలల క్రితం విదేశాలకు వెళ్లినట్లు సమాచారం. గతంలో కూడా ఎన్​ఐఏ అధికారులు పాపులర్ ఫ్రంట్ ఆఫ్ ఇండియా నాయకుల ఇళ్లలో సోదాలు చేశారు.