టీటీడీ ఉద్యోగుల ఇంటి పట్టాలపై సీఎం ఫొటో ఎందుకు ?: టీడీపీ, బీజేపీ శ్రేణులు

CM photo on the Rails of TTD Employees Houses : తిరుమల తిరుపతి దేవస్థానం ఉద్యోగులకు మంజూరు చేసిన ఇంటి పట్టాలపై ముఖ్యమంత్రి జగన్​ ఫొటో ఉండడాన్ని టీడీపీ, బీజేపీ నాయకులు పెద్ద ఎత్తున నిరసనకు దిగారు. అలిపిరి కూడలిలో ముఖ్యమంత్రికి వ్యతిరేకంగా నినాదాలు చేశారు. ధార్మిక సంస్థను రాజకీయ సంస్థగా మార్చేందుకు టీటీడీ అధికారులు, పాలక మండలి వ్యవహరిస్తోందని నేతలు మండిపడ్డారు. టీటీడీ ఈవో, ఛైర్మన్​ తక్షణమే రాజీనామా చేయాలని డిమాండ్​ చేశారు

TTD Chairman, EO demand resignation : టీటీడీ ఉద్యోగులకు మంజూరు చేసిన ఇంటి పట్టాలపై జగన్​ ఫొటోను ఏ విధంగా ముద్రిస్తారని బీజేపీ రాష్ట్ర అధికార ప్రతినిధి భాను ప్రకాశ్​ రెడ్డి ప్రశ్నించారు. ఇంటి పట్టాలపై జగన్​ ఫొటోను తొలగించాలని డిమాండ్​ చేశారు. అలిపిరి కూడలిలో ముఖ్యమంత్రికి వ్యతిరేకంగా నినాదాలు చేస్తున్న టీడీపీ, బీజేపీ నేతలను పోలీసులు బలవంతంగా అరెస్ట్​ చేశారు. నియామ నిబంధనలకు వ్యతిరేకంగా టీటీడీని రాజకీయ క్షేత్రంగా మారుస్తున్న ఛైర్మన్​, ఈవో వెంటనే రాజీనామా చేయాలని డిమాండ్​ చేశారు.