ఆ జిల్లా ఓటరు జాబితాలో సీఎం జగన్​ ఫొటో - ఖంగుతిన్న అసలు ఓటరు

CM Jagan Photo in Prakasam District Voter List: ప్రకాశం జిల్లా యర్రగొండపాలెం నియోజకవర్గంలోని ఓటర్ల జాబితాల్లో సీఎం జగన్ ఫొటో ఉండడం సంచలనం రేపింది. దోర్నాల మండలం వై చెర్లోపల్లిలో జనపతి గురవమ్మ అనే మహిళ ఓటర్ స్థానంలో సీఎం జగన్ ఫొటో ఉంది. సదరు మహిళకు ఆ విషయం తెలియడంతో తమ ఫోటో కాకుండా జగన్ ఫొటో రావడం ఏంటని ఖంగు తిన్నారు. బీఎల్​వో తప్పిదంతోనే ఇది జరిగినట్లు స్థానికులు ఆరోపించారు. అదే గ్రామంలో మరి కొందరి ఫొటో స్థానంలో ఏకంగా ఆధార్ కార్డ్ అప్లోడ్ చేశారు. ఓటర్ల లిస్ట్ లో తప్పిదాలపై ప్రతిపక్షాలు ఆగ్రహం వ్యక్తం చేస్తున్నాయి.

ఇప్పటికే బీఎల్​వోలు సక్రమంగా విధులు నిర్వహించడం లేదని.. ఓటరు జాబితాలో అనేక లోపాలు తలెత్తున్నాయని ప్రతిపక్షాలు మండిపడుతున్నాయి. ప్రతిపక్షాలకు అనుకూలంగా ఉన్నవారి ఓట్లను తొలగిస్తున్నారని..  మరణించిన వారి ఓట్లు జాబితా నుంచిి తొలగించలేదని.. ఒకే ఇంటి నెంబర్​పై పదుల సంఖ్యలో ఓట్లు నమోదు అయ్యాయని అంటున్నాయి. ఇవన్నీ ఎన్నికల సంఘం దృష్టికి తీసుకువెళ్తామని ప్రతిపక్షాలు చెప్తున్నాయి.