6న గవర్నర్​, మంత్రి బొత్స పర్యటన - బారికేడ్ల ఏర్పాటుపై అంగన్వాడీల ఆగ్రహం

Barricades Around Anganwadi Camp in Anantapur : అనంతపురం జిల్లాలోని జేఎన్టీయూ స్నాతకోత్సవానికి ఈ నెల 6న గవర్నర్​ అబ్దుల్​​ నజీర్​ పాటు మంత్రి బొత్స సత్యనారాయణ హాజరుకానున్నారు. ఈ నేపథ్యంలో జిల్లాకు మంత్రి రాకను అంగన్​వాడీ కార్యకర్తలు ఎక్కడ అడ్డుకుంటారేమోనని వారి ధర్నా శిబిరం చుట్టూ బారికేడ్లను అధికారులు ఏర్పాటు చేశారు. సమస్యలు పరిష్కరించమంటే బారికేడ్ల​ ద్వారా నిర్బంధిస్తారా అని అంగన్​వాడీలు ఆగ్రహం వ్యక్తం చేశారు. కనీస వేతనం పెంచడానికి లేని బడ్జెటు వీటిని ఏర్పాటు చేయడానికి ఉందా అని ప్రశ్నించారు.

Anganwadi Workers Strike : గతంలో కలెక్టరేట్​ ముట్టడి చేపట్టిన సమయంలో కార్యాలయం గేట్లనే ఎక్కామని, ఈ బారి​కేడ్లు తమకేమీ అడ్డురావని పేర్కొన్నారు. మంత్రి బొత్స సత్యనారాయణ కాన్వాయ్​ని కచ్చితంగా అడ్డుకుంటామని హెచ్చరించారు. అంగన్​వాడీ కార్యకర్తల డిమాండ్లను పరిష్కరించే వరకు మంత్రి వాహనాన్ని అడ్డుకుంటామని పేర్కొన్నారు. అంగన్​వాడీ కార్యకర్తలను ప్రభుత్వం చిన్నచూపు చూస్తుందని ఆవేదన వ్యక్తం చేశారు.