AP CPS Association Protest Against GPS : ఉద్యోగులు వద్దన్నా.. శాసనసభలో జీపీఎస్ బిల్లు పెట్టడాన్ని.. వ్యతిరేకిస్తూ నిరసనలు

AP CPS Association Protest Against GPS BiLL : రాష్ట్ర ప్రభుత్వం గ్యారెంటీడ్​ పెన్షన్ స్కీమ్​ (జీపీఎస్) బిల్లును శాసన సభలో పెట్టడాన్ని నిరసిస్తూ సచివాలయంలో సీపీఎస్ ఉద్యోగులు ఆందోళనలు చేపట్టారు. జీపీఎస్ వద్దు అంటూ ప్లకార్డులు పట్టుకుని నిరసనలు తెలిపారు. జీపీఎస్​ బిల్లను కేజినెట్​లో ఆమోదించటం సరికాదని ఉద్యోగులు మండిపడ్డారు.  

సీపీఎస్ ఉద్యోగుల నుంచి  తీవ్ర వ్యతిరేకత వ్యక్తం అవుతున్నా.. రాష్ట్ర ప్రభుత్వం మాత్రం ఏ మాత్రం పట్టించుకోకుండా జీపీఎస్​ బిల్లును శాసన సభలో ప్రవేశ పెట్టడంపై ఆగ్రహం వ్యక్తం చేస్తున్నారు. జీపీఎస్ బిల్లును సుమారు 3.5 లక్షల మంది ఉద్యోగులు ఎవరూ అంగీకరించటం లేదని.. జీపీఎస్ బిల్లును వ్యతిరేకిస్తున్నట్టు సీపీఎస్​ ఉద్యోగులు వెల్లడించారు. గ్యారెంటీడ్ పెన్షన్ స్కీమ్ బిల్లును వ్యతిరేకించాలని కోరుతూ.. ఎమ్మెల్యే, ఎమ్మెల్సీలకు విన్నతి పత్రాలను ఇస్తామని తెలిపారు. కేజినెట్​ ఆమోదంతో ప్రభుత్వం చేసేది పూర్తైంది. ఇప్పుడు శాసన సభలో ప్రవేశపెడుతున్నారు. అందుకని ఎమ్మెల్యేలకు, ఎమ్మెల్సీలకు విజ్ఞప్తి చేసుకుంటున్నాం.. జీపీఎస్​ విధానాన్ని ఎట్టి పరిస్థితుల్లో ఆమోదించవద్దని కోరారు.