విశాఖ కేంద్రీయ విద్యాలయంలో ఘనంగా వార్షిక క్రీడోత్సవాలు

విశాఖపట్నం శ్రీ విజయనగర్‌లోని కేంద్రీయ విద్యాలయం 48వ వార్షిక క్రీడోత్సవాలు ఘనంగా నిర్వహించారు. ఈ విద్యాలయం గత 48 వసంతాలుగా ఉత్తమ ఫలితాలు సాధిస్తూ.. దేశంలో ఉత్తమ ర్యాంకుల్లో కొనసాగుతోంది. దేశంలో ఉత్తమ ర్యాంకుల్లో కొనసాగుతున్న కేంద్రీయ విద్యాలయలన్నింటికి కలిపి వార్షిక క్రీడా పోటీలు నిర్వహించారు.  వార్షిక క్రీడోత్సవాలలో భాగంగా నిర్వహించిన ఈ పోటీలలో విద్యార్థులు ఉత్సాహంగా పాల్గొన్నారు.

క్రీడలు మాత్రమే కాకుండా.. విద్యార్థులను ఉత్సాహపరిచేందుకు మారథన్​, సాంస్కృతిక కార్యక్రమాలు, యోగా విన్యాసాల ప్రదర్శనను నిర్వహించారు. ప్రాంతీయ, రాష్ట్రీయ, జాతీయ స్థాయిలో ఆటల పోటీలను ఏర్పాటు చేశారు ఈ పోటీలలో విద్యార్థులు నూతనోత్తేజంతో పాల్గొన్నారు. పోటీలలో విజేతలుగా నిలిచిన విద్యార్థులకు బహుమతులు అందజేశారు.

ఈ కార్యక్రమంలో విద్యాలయ మేనేజ్​మెంట్​ కమీటి ఛైర్మన్​, ప్రిన్సిపల్​ ఇతర ఉపాధ్యాయులు పాల్గొన్నారు. విద్యార్థులు క్రీడలలో ఉత్సహంగా పాల్గొనాలని ఛైర్మన్​ సూచించారు. క్రీడలు విద్యార్థులకు శారీరక, మానసిక, బుద్ధి వికాసానికి తొడ్పడతాయని అన్నారు. సాంస్కృతిక కార్యక్రమాలతో క్రీడోత్సవాలకు వచ్చిన విద్యార్థులు, తల్లిదండ్రులను విద్యార్థులు అలరించారు. 

విద్యార్థులు కొన్ని ప్రత్యేక పదర్శనలను ఏర్పాటు చేశారు. ఇందులో పతాక వందనం, విద్యార్థినిల మారథన్​, స్కౌట్స్ నిర్వహించిన​ పరేడ్​ లాంటి కార్యక్రమాలు ఉన్నాయి. అన్ని క్రీడలు ముగిసిన తర్వాత.. బహుమతుల ప్రదానం చేశారు.