11 Months Old Boy Died : ఏడాదైనా కాకుండానే నూరేళ్లు నిండాయి..! ఆడుకుంటూ నీళ్ల బకెట్లో పడిన బాలుడు.. ఆస్పత్రికి వెళ్లేలోగా..
![ETV Bharat Andhra Pradesh Team](https://etvbharatimages.akamaized.net/etvbharat/prod-images/authors/andhrapradesh-1716535904.jpeg?imwidth=128)
By ETV Bharat Andhra Pradesh Team
Published : Oct 17, 2023, 12:23 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/17-10-2023/640-480-19785970-thumbnail-16x9-boy-death.jpg)
11-Months-Old Boy Falls In Bucket and Died in Karnool : కర్నూలు జిల్లా ఆదోని పట్టణం రాజీవ్ గాంధీ నగర్లో హృదయవిదారక ఘటన చోటుచేసుకుంది. ప్రమాదవశాత్తు నీటి టబ్బులో పడి 11 నెలల హర్షవర్ధన్ మృతి చెందాడు. భూషప్ప, నర్సమ్మ దంపతుల ఏకైక బిడ్డ హర్షవర్దన్. ఆడుకుంటుండగా ప్రమాదవశాత్తు ఇంటి ఆవరణలో ఉన్న నీళ్ల బకెట్లో పడ్డ బాలుడి అకస్మిక మరణంతో తల్లిదండ్రులు, బంధువులు కన్నీరు మున్నీరుగా విలపిస్తున్నారు.
latest crime news 2023 : సోమవారం మధ్యాహ్నం 12:28 గంటలకు బాలుడి తండ్రి భూషప్ప పొలానికి బయలుదేరాడు. కాసేపటికి ఇంటి నుంచి ఫోన్ వచ్చింది. బాలుడు ఇంటి ఆవరణంలో ఆడుకుంటూ నీటి టబ్బులో పడ్డాడని, మాట్లాడట్లేదని చెప్పారు. అతడు వెంటనే ఇంటికి పరుగులు తీశాడు. బాలుడ్ని తీసుకొని ఆదోని పట్టంలోని ఆస్పత్రికి వెళ్లాడు. మూడు ప్రైవేటు ఆస్పత్రులు తిరిగారు. బాలుడ్ని పరీక్షించిన వైద్యులు అతడు చనిపోయాడని చెప్పారు. ఉన్న ఒక్కగానొక్క కొడుకు మరణంతో వారి కుటుంబంలో విషాదం నెలకొంది.