వైభవంగా మాణిక్యాంబా సమేత భీమేశ్వర స్వామి రథోత్సవం

తూర్పు గోదావరి జిల్లా ద్రాక్షారామ భీమేశ్వరస్వామివారి రథోత్సవం వైభవంగా జరిగింది. మాణిక్యాంబ సమేత భీమేశ్వరుడి ఉత్సవమూర్తులను రథంపై ప్రతిష్ఠించారు. పురవీధుల్లో ఊరేగింపు కన్నుల పండువగా సాగింది. స్వామివారి అత్తవారిల్లైన వేగాయమ్మపేట వైపుగా ఈ రథోత్సవం వెళ్తోంది. ఈ రాత్రికి ఉత్సవమూర్తులను అదే గ్రామంలోని మండపంలో ఉంచిన అనంతరం... ఆదివారం తిరిగి ద్రాక్షారామం ఆలయానికి చేరుస్తారు. అనంతరం సప్తగోదావరిలో చక్రస్నానం నిర్వహిస్తారు.