How to Make Soft Chapati : బరువు తగ్గేందుకు.. చపాతీని చాలా మంది బెస్ట్ ఆప్షన్గా ఎంచుకుంటారు. అయితే.. అందరికీ చపాతీలు మెత్తగా చేయడం రాదు. ఎన్ని విధాలుగా ప్రయత్నించినా.. గట్టిగానే వస్తుంటాయి. టీవీ యాడ్స్లో చూపించినట్లుగా మెత్తగా, ప్లఫీగా చేయడానికి ప్రయత్నిస్తారు కానీ.. సాధ్యం కాదు. దీంతో విసుగెత్తిపోతారు. అయితే.. కొన్ని చిట్కాలు పాటిస్తే.. చపాతీలు మెత్తగా వస్తాయి. దీనికోసం ఏం చేయాలో ఇప్పుడు చూద్దాం.
- చాలా మంది చపాతీ చేసేందుకు మార్కెట్లో దొరికే ఏదో ఒక పిండి తెచ్చి వాడుతుంటారు. కానీ.. స్వచ్ఛమైన గోధుమ పిండి తెచ్చుకోవాలి.
- గోధుమలను కొని, పిండి పట్టించుకుని, చపాతీలు చేస్తే సూపర్ సాఫ్ట్గా ఉంటాయి. అది సాధ్యం కాకపోతే.. మార్కెట్లో బ్రాండ్ చూసి తీసుకోండి.
- పిండి మెత్తగా ఉండాలి. ఒకవేళ బరసగా ఉంటే.. జల్లెడపట్టాలి.
- ఆ తర్వాత.. కావాల్సినంత పిండి తీసుకుని అందులో కొంచెం నూనె, గోరువెచ్చని నీరు, కొద్దిగా పాలు పోసి మెత్తగా కలుపుకోవాలి.
- పిండి గట్టిగా ఉంటే చపాతీ గట్టిగా ఉంటుంది. పిండి మెత్తగా ఉంటే చపాతీ కూడా మెత్తగా ఉంటుంది. ఈ విషయం గుర్తుపెట్టుకోవాలి.
- పిండిని ఎంతసేపు వీలైతే అంత సేపు మెత్తగా కలుపుకోవాలి.
How to Prepare Palak Prawns Curry : 'పాలక్ ప్రాన్స్ కర్రీ..' నోరూరిపోవాల్సిందే!
- పిండిని మెత్తగా పిసికిన తర్వాత ముద్దపై కొద్దిగా నూనె రాసి.. ఓ తడి క్లాత్ను కప్పి సుమారు అర్ధగంట పాటు పక్కన పెట్టుకోవాలి.
- ఇలా చేయడం వల్ల చపాతీలు మెత్తగా తయారవుతాయి.
- తర్వాత పిండి ముద్దను తీసుకుని చిన్న చిన్న ఉండలు చేసుకోవాలి.
- చపాతీ పీట మీద రుద్దుకునేటప్పుడు.. చాలా మంది పొడి పిండిని ఉపయోగిస్తారు. ఇలా చేయడం ద్వారా చపాతీ సులభంగా వస్తుందికానీ.. దీనివల్ల రొట్టె గట్టి పడుతుంది.
- కాబట్టి పొడి పిండిని తక్కువగా వాడాలి. పొడి పిండి ప్లేస్లో నూనె కూడా ఉపయోగించవచ్చు.
- అయితే ఇక్కడ ఇంకో విషయం ఏంటంటే.. పిండిని చపాతీగా తయారు చేసిన తర్వాత.. దాన్ని ఫోల్డ్ చేసి మరోసారి చపాతీగా రుద్దాలి.
- ఇలా చేస్తే.. కాల్చేటప్పుడు పొంగుతాయి.
- చపాతీలు రుద్దిన వెంటనే కాల్చుకోవాలి. లేదంటే అవి ఎండిపోతాయి.
- ఎండిన తర్వాత కాల్చితే.. గట్టి పడతాయి.
How to Prepare Methi Mutton Curry : మటన్ ఎప్పుడూ ఒకేలా ఏం తింటారు..? ఈ సండే ఇలా ట్రై చేయండి!
- చపాతీలను కాల్చేటప్పుడు పెనం వేడిగా ఉండేలా చూసుకోవాలి.
- అదేవిధంగా.. చపాతీలను తక్కువ మంట మీద కాల్చడం మంచిది.
- చాలా వేడిగా ఉంటే పిండి ఉడికిపోతుంది. తర్వాత గట్టిపడుతుంది.
- కొంచెం నెయ్యి రాసి కాల్చితే రుచితో పాటు మెత్తగా ఉంటాయి.
- చపాతీలను కాల్చిన తర్వాత హాట్ బాక్స్లో పెడితే.. ఇంకా ఎక్కువ సేపు మెత్తగా ఉంటాయి.
- ఈ సారి చపాతీలు చేసేటప్పుడు ఈ చిట్కాలు పాటించండి.. ఎన్ని తిన్నా ఇంకా తినాలనే అనిపిస్తుంది.
How to Make Kaddu Ki Kheer Recipe in Telugu: కద్దూ కీ ఖీర్.. టేస్ట్ చేస్తే.. జిందగీ ఖుష్ అనాల్సిందే!
