లాక్డౌన్ వల్ల మీరు ఇంటి నుంచే పనిచేస్తున్నారా? గంటలు గంటలు కంప్యూటర్ ముందే కుర్చుండిపోతున్నారా? అయితే అది ఆరోగ్యానికి మంచిది కాదు. ఇంటి నుంచి బయటకు వెళ్లలేని ఇలాంటి పరిస్థితుల్లో మరి ఏం చేయాలి? అందుకే ఇలాంటి చిన్న స్ట్రెచింగ్స్ చేస్తే సరిపోతుందని అంటున్నారు ఫిట్నెస్ ట్రైనర్ జునైద్ అఖ్తర్.
పెక్టోరల్ స్ట్రెచ్...
ల్యాప్టాప్ స్క్రీన్స్ నుంచి ఎప్పటికప్పుడు విరామాలు తీసుకోవడం ఎంతో అవసరం. మీరు కూర్చున్న తీరు మీకు తెలుస్తుంది. ఈ విరామాల్లో... చేతులు రెండింటినీ లాక్ చేసి.. వెనుకవైపునకు లాగండి. అప్పుడు భుజాలపై కొంతమేర ఒత్తిడి పడుతుంది.
దీని వల్ల కండరాలు బలపడతాయి. నిటారుగా కూర్చోగలుగుతారు.
ట్రెపీజియస్ నెక్ స్ట్రెచ్...
ల్యాప్టాప్కే అతుక్కుపోవడం వల్ల మెడ నొప్పి వస్తోందా? అయితే ఎప్పటికప్పుడు ఈ ట్రెపీజియస్ నెక్ స్ట్రెచ్ చేయండి.
ఎడమ చేతితో కుర్చీ కింద భాగాన్ని పట్టుకోండి. మీ కుడి చేతిని ఎడమ చెవివైపు తీసుకురండి. మీ తలను కొద్దిగా కుడి భుజంవైపు వాల్చండి. ఈ స్ట్రెచ్లో మీ కుడి చెవిని భుజానికి ఎంత దగ్గరగా కుదిరితే అంత దగ్గరగా తీసుకురండి. ఇదే విధంగా వేరే వైపు కూడా చేయండి.
గ్లూట్ స్ట్రెచ్...
తొడను కదిపే కండరాలను గ్లూట్ అంటారు. కూర్చునప్పుడు వీటిపై పడే ఒత్తిడిని తగ్గిస్తూ ఉండాలి. అందుకోసం మీ కుడి కాలును ఎడమ తొడపై పెట్టాలి. వెన్నును నిటారుగా ఉంచి ముందుకు కొద్దిగా వంగాలి. అలా వేరే వైపు కూడా చేయండి.
