కుందూ...మరోసారి..

అల్పపీడన ప్రభావంతో కురుస్తున్న వర్షలతో కుందూ నది ప్రవాహం మరోసారి ఉద్ధృతంగా మారి రైతుల గుండెల్లో గుబులు పుట్టిస్తోంది.

ఎగువ ప్రాంతాల్లో కురుస్తున్న భారీ వర్షాలకు కడప జిల్లా వద్ద కుందూ నది మరోసారి ఉగ్రరూపం దాల్చింది. కర్నూలు, కడప జిల్లాల సరిహద్దులోని రాజోలి వద్ద కేవలం గంట వ్యవధిలోనే నాలుగు క్యూసెక్కుల వరద ప్రవాహం పెరిగిపోవటంతో రైతులు ఆందోళనకు గురవుతున్నారు. రెండు రోజుల కిందట 58 వేల క్యూసెక్కుల నీరు ప్రవహిస్తేనే పరివాహక ప్రాంతాల్లో పంటలు నీటి మునిగి భారీ నష్టం వాటిల్లింది. గురువారం 38 వేల క్యూసెక్కులకు ప్రవాహం పడిపోవటంతో రైతులు ఊపిరి పీల్చుకున్నారు. అంతలోనే 64 వేల క్యూసెక్కులకు ఒక్కసారిగా వరద ప్రవాహం పెరిగిపోవటంతో రైతులు భయాందోళనకు గురవుతున్నారు. నదిలో పెరుగుతున్న నీటి ప్రవాహంతో పరివాహక ప్రాంతంలోని ప్రజలు అప్రమత్తంగా ఉండాలని అధికారులు సూచిస్తున్నారు.

ఇదీ చదవండి : కుందునదిలో కొట్టుకుపోయిన వ్యక్తి ...కాపాడిన ఎస్​డీఆర్​ఎఫ్