కడప జిల్లా భాకరాపేట సమీపంలో రెండు లారీలు ఎదురుగా వచ్చి ఢీకొన్నాయి. ఈ ప్రమాదంలో ఐదుగురికి తీవ్ర గాయాలయ్యాయి. గాయపడినవారిని హుటాహుటిన ప్రభుత్వ సర్వజన ఆస్పత్రికి తరలించారు. వీరిలో ఇద్దరి పరిస్థితి ఆందోళనకరంగా ఉందని వైద్యులు తెలిపారు. రాజంపేట నుంచి కడపకు వస్తున్న లారీ కడప నుంచి రాజంపేటకి వెళ్తున్న మరో లారీ ఎదురెదురుగా ఢీకొన్నాయి.
రెండు లారీలు బలంగా ఢీకొనడంతో లారీల్లో ఉన్న డ్రైవర్, క్లీనర్లు, క్యాబిన్లో ఇరుక్కుపోయారు. వారిని జేసీబీ సహాయంతో పోలీసులు బయటకు తీశారు. క్షతగాత్రులను బయటకు తీసేందుకు సమయం పట్టడంతో.. దాదాపు గంట పాటు వాహనాలు స్తంభించిపోయాయి.
ఇదీ చదవండి:
cross firing: విశాఖ జిల్లాలో ఎదురుకాల్పులు.. ఆరుగురు మావోయిస్టులు మృతి
