'అధికారంలోకి వస్తే ప్రత్యేక హోదా'

భాజపా రాజ్యం ఇంటింటా దౌర్భాగ్యమని, తెదేపా రాజ్యం ఇంటింటా మోసమని, వైకాపా రాజ్యం ఇంటింటా దౌర్జన్యమని, జనసేన రాజ్యం ఇంటింటా అయోమయమని కాంగ్రెస్ నేత తులసిరెడ్డి విమర్శించారు.

కేంద్రంలోని భాజపా రాష్ట్రంలోని తెదేపా ప్రతిపక్షంలోని వైకాపాను అన్ని రంగాల్లో విఫలమయ్యాయని కాంగ్రెస్ పార్టీ సీనియర్ నాయకుడు తులసి రెడ్డి అన్నారు. కడప జిల్లా రాజంపేటలో కాంగ్రెస్ అభ్యర్థి పూల భాస్కర్ తరఫున ప్రచారం నిర్వహించారు. భాజపా రాజ్యం ఇంటింటా దౌర్భాగ్యమని, తెదేపా రాజ్యం ఇంటింటా మోసమని, వైకాపా రాజ్యం ఇంటింటా దౌర్జన్యమని, జనసేన రాజ్యం ఇంటింటా అయోమయమని తెలిపారు. కాంగ్రెస్ రాజ్యం వస్తే ఇంటింటా సౌభాగ్యం కలుగుతుందని చెప్పారు. కాంగ్రెస్ పార్టీ అధికారంలోకి వస్తే ప్రత్యేక హోదా, ఒక్కో పాస్ పుస్తకం పై రెండు లక్షల రూపాయల రుణమాఫీ, ఒక్కో స్వయం సహాయక సంఘానికి రెండు లక్షల రూపాయల రుణమాఫీ, గ్యాస్ కనెక్షన్ ఉన్న ప్రతి ఒక్కరికి 4-సిలిండర్లు ఉచితంగా అందజేస్తామన్నారు.