నివర్ ప్రభావం వల్ల రాష్ట్రంలోని పలు జిల్లాలో భారీ వర్షాలు కురుస్తున్నాయి. వానల ధాటికి కడప జిల్లా రాజంపేటలో మురుగు కాలువలు పొంగిపొర్లుతున్నాయి. రహదారులు జలమయమయ్యాయి. పట్టణంలోని ప్రధాన తపాలా కార్యాలయం వద్ద రహదారులు మురుగుమయమయ్యాయి. వాహనచోదకులు, పాదచారులు ఇబ్బంది పడ్డారు. రెండు రోజులుగా కురుస్తున్న వర్షానికి మండలంలోని వివిధ ప్రాంతాల్లో కల్వర్టులు పొంగుతున్నాయి.
కడపలో పట్టణంలోనూ ఎడతెరిపి లేకుండా ఉదయం నుంచి భారీ వర్షాలు కురుస్తున్నాయి. భారీ వర్షాలకు కడప రైల్వే స్టేషన్లో రోడ్లో ఉన్న మహా వృక్షం ఒక్కసారిగా నేలకూలింది. ఆ సమయానికి ఒక కారు వెళ్లడంతో ఆ కారుపై చెట్టు కొమ్మ విరిగి పడింది. అదృష్టవశాత్తు ఎలాంటి నష్టం జరగలేదు. కారు దెబ్బతింది. విషయం తెలిసిన అధికారులు విరిగిన చెట్టును తొలగించే పనిలో నిమగ్నమయ్యారు. విద్యుత్ శాఖ అధికారులు ... సహాయ చర్యలు చేపట్టారు.
ఇదీ చూడండి:
