కడప జిల్లాలో ఐపీఎల్ క్రికెట్ బెట్టింగ్లకు పాల్పడుతున్న 8 మందిని పోలీసులు అరెస్టు చేశారు. ఆదివారం జమ్మలమడుగు పోలీసులు కన్నెలూరులో నలుగురు బెట్టింగ్ బాబులను అరెస్టు చేశారు. పట్టణ పోలీస్ స్టేషన్లో ఏర్పాటు చేసిన మీడియా సమావేశంలో సీఐ వెంకటేశ్వర్లు వివరాలు వెల్లడించారు. నలుగురు యువకులను అరెస్టు చేశామని... వారి నుంచి లక్షా ఆరు వేల రూపాయలను స్వాధీనం చేసుకున్నామన్నారు. ప్రధాన బుకీ పరారీలో ఉన్నట్లు చెప్పారు.
మరోవైపు కొండాపురం గ్రామంలో క్రికెట్ బెట్టింగ్ పాల్పడుతున్న నలుగురు వ్యక్తులను పోలీసులు అదుపులోకి తీసుకున్నారు. వారి నుంచి 72 వేల రూపాయలను స్వాధీనం చేసుకున్నారు. నాలుగు సెల్ఫోన్లను జప్తు చేశామని కొండాపురం పోలీసులు తెలిపారు.
ఇదీ చదవండి
