కడప జిల్లా కమలాపురం మండలం చిన్నపల్లి గ్రామం వద్ద రోడ్డు ప్రమాదం జరిగింది. ప్రమాదవశాత్తు ఆటో బోల్తా పడిన ఘటనలో ఎనిమిది మందికి తీవ్ర గాయాలయ్యాయి. వీరిలో ఇద్దరి పరిస్థితి విషమంగా ఉండడంతో.. చికిత్స కోసం కడప రిమ్స్కు తరలించారు. అక్కడ చికిత్స పొందుతూ బోగాధి అనే వ్యక్తి మృతి చెందాడు.
గాయాలపాలైన వారందరూ వీరపునాయునిపల్లె మండలం అలిదినె, ఓబాయపల్లి గ్రామానికి చెందినవారుగా స్థానికులు గుర్తించారు. వీరందరూ ఆటోలో కడప జిల్లా పెండ్లిమర్రి మండలంలోని పొలతల పుణ్యక్షేత్రానికి వెళ్లి తిరిగి వస్తుండగా ఈ ప్రమాదం జరిగింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
ఇదీచదవండి
