కడప జిల్లా రైల్వే కోడూరులో స్పెషల్ ఎన్ఫోర్స్మెంట్ అధికారులు తనిఖీలు నిర్వహించారు. కోడూరు మండలం, లక్ష్మీ గారి పల్లి క్రాస్ వద్ద నిర్వహించిన తనిఖీల్లో ఐదు లీటర్ల నాటుసారాను పోలీసులు స్వాధీనం చేసుకున్నారు. నాటుసారాను అక్రమంగా తరలిస్తున్న వ్యక్తిని అదుపులోకి తీసుకున్నట్లు ఎస్సై రామ్మోహన్ తెలిపారు. ఆ వ్యక్తి అరుంధతీవాడ వాసిగా పోలీసులు గుర్తించారు. ఈ దాడుల్లో ఎస్సై రామ్మోహన్, హెడ్ కానిస్టేబుల్ మోహన్ రెడ్డి, కానిస్టేబుళ్లు ఎల్లయ్య, రవికుమార్, శివ ప్రసాద్, సిబ్బంది పాల్గొన్నారు.
ఇవీ చూడండి... :కరోనాపై పోలీస్ ప్రచార రథం ప్రారంభం
