బంకులో డీజిల్ బదులు..పాల డీజిల్

కడప జిల్లా మైదుకూరు పట్టణంలో ఇంధన బంకులో పాలలాగ పంపు నుంచి డీజిల్ రావటంతో కల్తీ జరగటం చర్చనీయాంశమైంది.దీంతో స్థానికులు పోలీసులకు చెప్పటంతో పోలీసులు ఇంధన బంకు యాజమానిపై చర్యలు తీసుకుంటామని తెలిపారు.

కడప జిల్లా మైదుకూరు పట్టణంలో ఇంధన బంకులో డీజిల్ కల్తీ జరగటం చర్చనియాంశమైంది. బంకులో పాలలాగా పంపు నుంచి డీజిల్ రావటం ఆశ్చర్యానికి గురి చేసింది. పండు అనే వ్యక్తి వాహనానికి డీజిల్ పట్టించగా మధ్యలోనే వాహనం ఆగిపోయింది. కారణం తెలుసుకునే ప్రయత్నంలో డీజిల్ పైపు తొలగించి చూడగా పాలలాగ బయటకి రావటం గమనించారు. నష్టం జరగటంతో పోలీసుల దృష్టికి తీసుకెళ్లారు. ఆదివారం వరకు డీజిల్ బాగానే వచ్చిందని..మధ్యాహ్నం ట్యాంకర్ వచ్చి నింపిన తర్వాత ఇంధన బంకు సిబ్బంది స్పష్టం చేశారు. ఇంధన బంకుపై యాజమానిపై చర్యలు తీసుకుంటామని పోలీసులు తెలిపారు.

ఇదీ చదవండి:బాసరలో ముస్లిం అబ్బాయికి అక్షరాభ్యాసం