సుబ్బయ్య హత్య కేసు : పోలీసుల అదుపులో ఐదుగురు

రాష్ట్రంలో సంచలనం సృష్టించిన కడప జిల్లా ప్రొద్దుటూరు తెదేపా నేత నందం సుబ్బయ్య హత్య కేసులో ఐదుగురిని అదుపులోకి తీసుకున్నారు. ఈ మేరకు జిల్లా ఎస్పీ అన్బురాజన్ వివరాలు వెల్లడించారు.

కడప జిల్లా ప్రొద్దుటూరులో నందం సుబ్బయ్య హత్య కేసుకు సంబంధించి ఐదుగురిని అదుపులోకి తీసుకున్నట్లు ఎస్పీ అన్బురాజన్ తెలిపారు. వీరిని గురువారం సాయంత్రం మీడియా ఎదుట హాజరు పరుస్తామని వెల్లడించారు. ఈ కేసులో నిందితులైన ఏ1, ఏ2లకు, మృతునికి మధ్య మనస్పర్థలు ఉండేవని, వాటికి సంబంధించిన ఆధారాలు తమ వద్ద ఉన్నాయని పేర్కొన్నారు. నిష్పక్షపాతంగా విచారణ చేపట్టి, దోషులను కఠినంగా శిక్షిస్తామని ఎస్పీ స్పష్టం చేశారు.

ఇదీచదవండి.