ప్రొద్దుటూరు తినుబండారాల గోడౌన్లో భారీ అగ్నిప్రమాదం
కడప జిల్లా ప్రొద్దుటూరులో భారీ అగ్నిప్రమాదం జరిగింది. మైదుకూరు రోడ్డులోని తినుబండారాల పరిశ్రమలో విద్యుత్ షార్ట్ సర్క్యూట్తో మంటలు చెలరేగాయి. సమాచారం అందుకున్న అగ్నిమాపక సిబ్బంది అక్కడికి చేరుకొని మంటలు అదుపు చేశారు. ప్రొద్దుటూరుకు చెందిన వేణుగోపాల్... చిన్నారులు తినే తినుబండారాలను హైదరాబాద్ నుంచి తెప్పించి గోడౌన్లో భద్రపరుస్తుంటాడు. అక్కడి నుంచి పట్టణంలోని దుకాణాలతో పాటు జిల్లాలోని పలు మండలాలకు సరఫరా చేస్తారు. అగ్ని ప్రమాదంతో గోడౌన్లో సరుకు మొత్తం కాలిపోయిందని బాధితులు వాపోయారు. సుమారు రూ.30 లక్షలు నష్టం వాటిల్లిందని చెబుతున్నారు.
