Farmer attacked on VRO with knife in AP: వైఎస్ఆర్ జిల్లా పులివెందులలో వీఆర్ఓపై రైతు కత్తితో దాడి చేశారు. తన భూమి వివరాలను ఆన్లైన్లో నమోదు చేయలేదన్న ఆగ్రహంతో రైతు పెద్ద మస్తాన్ వీఆర్ఓపై కత్తితో దాడి చేశారు. సోమవారం కలెక్టరేట్లో స్పందనలో ఫిర్యాదు చేసి.. తన భూమిని ఆన్లైన్ చేయాలని రైతు కోరారు. దానిపై విచారించిన పులివెందుల తహసీల్దారు ఆ భూములకు సంబంధించిన అంశాలు హైకోర్టు పరిధిలో ఉన్నందున.. ఆన్లైన్ చేయలేమని తెలియజేశారు. అయితే ఇవాళ ఉదయం మరోసారి తహసీల్దార్ కార్యాలయానికి వెళ్లిన రైతు పెద్ద మస్తాన్.. తన భూమి ఆన్లైన్ చేయాలని పదేపదే విజ్ఞప్తి చేశాడు. దీనికి వీఆర్ఓ కృష్ణమోహన్ నిరాకరించడంతో.. తన వెంట తెచ్చుకున్న చిన్నపాటి కత్తితో వీఆర్ఓ వీపుపై పొడిచాడు. వీఆర్ఓను వెంటనే ప్రభుత్వ ఆసుపత్రికి తరలించడంతో వైద్య చికిత్సలు అందించారు. రైతు పెద్ద మస్తాన్ను పోలీసులు అదుపులోకి తీసుకుని విచారిస్తున్నారు.
ఇవీ చదవండి:
