కడప జిల్లా రాయచోటిలో ఏర్పాటు చేసిన నూతన హోటల్ను.. చీఫ్ విప్ గండికోట శ్రీకాంత్ రెడ్డి, ఎమ్మెల్సీ జకియా ఖానంలతో కలిసి ఉపముఖ్యమంత్రి అంజాద్ బాషా ప్రారంభించారు. అనంతరం బోస్నగర్ ఠాణా కూడలిలోని జామియా మసీదులో ప్రార్థనలు చేశారు. మైనార్టీల సమస్యలపై ముస్లిం నాయకులతో చర్చించారు.
బక్రీద్ సమయంలో మైనారిటీ యువకులపై నమోదైన అక్రమ కేసులు తొలగించే విషయాన్ని ప్రభుత్వ దృష్టికి తీసుకెళ్లామని అంజాద్ బాషా తెలిపారు. త్వరలోనే మంత్రివర్గం ఓ నిర్ణయం తీసుకుంటుందన్నారు. జూనియర్ కళాశాల మైదానంలోని వక్ఫ్ బోర్డ్ స్థలంపై చర్చించారు. పట్టణ అభివృద్ధి కోసం చేపట్టనున్న చర్యలను వివరించారు. మసీదుల అభివృద్ధికి కృషి చేస్తానని హామీ ఇచ్చారు.
ఇదీ చదవండి: 'రాష్ట్ర రహదారులపై టోల్ఫీజుల వసూళ్లు దారుణం'
