కంటైన్మెంట్ క్లస్టర్లలో కరోనా నివారణ చర్యలను మరింత పటిష్ఠంగా అమలు చేస్తున్నామని జిల్లా కలెక్టర్ హరికిరణ్ తెలిపారు. కొవిడ్-19 వ్యాప్తిని అరికట్టే చర్యల్లో భాగంగా రాష్ట్ర ప్రభుత్వం విడుదల చేసిన “కొవిడ్ ఇన్ స్టంట్ ఆర్డర్ -43లోని అంశాలను, విధి విధానాలను తప్పక పాటించాలని కోరారు. రాష్ట్ర ప్రభుత్వం మే 3వ తేదీన జారీ చేసిన “కొవిడ్ ఇన్స్టంట్ ఆర్డర్ -43” ప్రకారం.. కరోనా పాజిటివ్ కేసు నమోదైన వ్యక్తి ఇంటి కేంద్రంగా, 500 మీటర్లు నుంచి ఒక కిలోమీటర్ ప్రాంతాన్ని “కంటైన్మెంట్ కోర్ గానూ... 3 కిలోమీటర్ల వరకు ఉన్న ప్రాంతాన్ని “కంటైన్మెంట్ బఫర్గా నిర్ధారించామని వివరించారు. ఈ ప్రాంతాల్లో నిషేధాజ్ఞలు అమలులో ఉంటాయని స్పష్టం చేశారు. ఈ మేరకు ఆయా మున్సిపాలిటీలు, మండలాల్లో కంటైన్మెంట్ జోన్ల వివరాలను కలెక్టర్ వెల్లడించారు.
ఇదీచదవండి.
