ప్రొద్దుటూరులో కొత్తగా 17 కరోనా కేసులు నమోదు

కడప జిల్లా ప్రొద్దుటూరులో కరోనా వ్యాప్తి అధికమవుతోంది. తాజాగా పట్టణంలో 17 కేసులు నమోదయ్యాయి. మొత్తం కేసుల సంఖ్య 204కు చేరింది. ప్రజలంతా నిబంధనలు పాటిస్తూ జాగ్రత్తగా ఉండాలని అధికారులు సూచించారు.

కడప జిల్లా ప్రొద్దుటూరులో కరోనా కేసులు పెరుగుతూనే ఉన్నాయి. తాజాగా 17 కేసులు వెలుగుచూడటంతో ప్రజలు ఆందోళన చెందుతున్నారు. అటవీ శాఖలో పనిచేస్తున్న ఐదుగురికి పాజిటివ్ నిర్ధరణ కాగా.. ప్రభుత్వ ఆస్పత్రిలో పనిచేసే నలుగురికి వైరస్ సోకింది. మరో 8 కేసులు పట్టణంలోని వివిధ ప్రాంతాల్లో నమోదయ్యాయి.

మొత్తం ప్రొద్దుటూరులో కేసుల సంఖ్య 204కు చేరింది. పాజిటివ్ నమోదైన ప్రాంతాల్లో అధికారులు పారిశుద్ధ్య పనులు చేపట్టారు. ప్రజలంతా అప్రమత్తంగా ఉండి.. నిబంధనలు పాటించాలని సూచించారు.

ఇవీ చదవండి..