రెండు రోజులుగా వర్షాలు..కూలిన కళాశాల గదులు

గత మూడు రోజులుగా కురుస్తున్న వర్షాలకు ప్రొద్దుటూరులోని ఎస్​సీఎన్​ఆర్ ప్రభుత్వ డిగ్రీ కళాశాలలో గదులు కుప్పకూలాయి. కంప్యూటర్ ల్యాబ్, గ్రంథాలయం పూర్తిగా కూలిపోయింది. భవనం పూర్తిగా శిథిలావస్థకు చేరడంతో అధ్యాపకులు, విద్యార్థులు ఆందోళన చెందుతున్నారు.

కడప జిల్లా ప్రొద్దుటూరు ఎస్​సీఎన్​ఆర్ ప్రభుత్వ డిగ్రీ కళాశాలలో ముప్పు తప్పింది. గత రెండు మూడు రోజులుగా కురిసిన వర్షానికి కళాశాలలోని గదులు తడిసి ముద్దయ్యాయి, ఈ క్రమంలో ఇవాళ సాయంత్రం కళాశాలలోని కంప్యూటర్ ల్యాబ్, గ్రంథాలయం గదులు పూర్తిగా కూలిపోయాయి. పైకప్పు విరిగి కింద పడింది. దీంతో గదుల్లో ఉన్న కంప్యూటర్లు పుస్తకాలు పూర్తిగా ధ్వంసం అయ్యాయి. ఆ సమయానికి ఎవరూ లేకపోవడంతో ఎలాంటి ప్రాణనష్టం జరగలేదు. కళాశాలలోని మిగిలిన గదులు శిథిలావస్థకు చేరడంతో అధ్యాపకులు, విద్యార్థులు భయాందోళన చెందుతున్నారు. ఎప్పుడు కూలుతాయోనని బిక్కుబిక్కుమంటూ గడుపుతున్నారు.

ఇదీ చదవండి: ఏపీ: మరో 10, 392 మందికి కరోనా... 4,55,531కు పెరిగిన బాధితులు