ఆటల్లో జోరు.. క్యాంప్​ ఫైర్​లో హుషారు

ఉదయమంతా ఉత్కంఠ పోటీలతో సందడిగా ఉన్న రాజంపేట క్రీడాప్రాంగణం... సాయంత్రానికి మరింత సందడిగా మారింది. క్యాంప్ ఫైర్​లో క్రీడాకారులు నృత్యాలతో అలరించారు. క్రీడాకారులకు 'ఈటీవీ' ఢీ జోడి నృత్యకారులు తోడవ్వటంతో... సందడి తారాస్థాయికి చేరింది.

కడప జిల్లా రాజంపేటలో ఈనెల 26 నుంచి జాతీయ జూనియర్ వాలీబాల్ పోటీలు జరుగుతున్నాయి. ఈ పోటీల అనంతరం నిర్వాహకులు బుధవారం రాత్రి క్యాంప్ ఫైర్ నిర్వహించారు. ఎమ్మెల్యే మేడా మల్లికార్జున రెడ్డి, మాజీ ఎమ్మెల్యే ఆకేపాటి అమర్నాథరెడ్డి, మాజీ మేయర్ సురేష్​బాబు ఈ క్యాంప్ ఫైర్​ను ప్రారంభించారు. దేశంలోని వివిధ రాష్ట్రాల నుంచి వచ్చిన క్రీడాకారులు తమ ప్రాంతాల సంస్కృతి సంప్రదాయాలను ప్రతిబింబిస్తూ క్యాంప్ ఫైర్​లో నృత్యాలు చేశారు. 'ఈటీవీ' ఢీ జోడి నృత్య కళాకారులు రాజు, అక్సాఖాన్ ఆ కార్యక్రమంలో ప్రత్యేక ఆకర్షణగా నిలిచారు. రాజంపేట పట్టణవాసులు పెద్ద సంఖ్యలో క్యాంప్​ ఫైర్​లో పాల్గొన్నారు.

ఇదీ చదవండి : అఖిలపక్ష భేటీలో వైకాపా ఎంపీలు ఏం మాట్లాడారంటే..!