వ్యవసాయ మోటర్లకు విద్యుత్ మీటర్లు బిగించే ప్రతిపాదనను ప్రభుత్వం వెనక్కి తీసుకోవాలని భారతీయ కిసాన్ సంఘ్ రాష్ట్ర అధ్యక్షుడు రాంబాబు డిమాండ్ చేశారు. విద్యుత్ వినియోగాన్ని లెక్కించడానికి ఫీడర్ల వద్ద కానీ ట్రాన్స్ఫార్మర్ల వద్ద కానీ మీటర్లు బిగించడానికి మేము స్వాగతిస్తామని ఆయన అన్నారు. విద్యుత్ మీటర్లు బిగించడం వల్ల రైతు తన హక్కును కోల్పోతాడని అన్నారు. కడపలో ప్రెస్క్లబ్లో ఆయన మీడియాతో మాట్లాడారు. అప్పటి ముఖ్యమంత్రి వైఎస్ రాజశేఖరరెడ్డి రైతులకు ఉచిత విద్యుత్ ఇస్తే.. ఆయన కొడుకు జగన్మోహన్ రెడ్డి ఉచిత విద్యుత్కు తూట్లు పొడిచి మీటర్లు బిగించే ప్రక్రియను తీసుకు రావడం దారుణమని ఖండించారు. దీనిని అడ్డుకునేందుకు ప్రతి ఒక్క రైతు ముందుకు రావాలని.. లేదంటే విద్యుత్ మీటర్లు రైతులకు ఉరితాడవుతారని అన్నారు. ప్రభుత్వ అనాలోచిత నిర్ణయం వల్ల రైతులకు ఇబ్బందులు పడతారని ఆయన తెలిపారు.
ఇదీ చదవండి: పెట్రోల్లో నీళ్లు.. బంక్ సీజ్ చేయాలని వాహనదారుల డిమాండ్..
