ప్రయాణికుడిపై దుకాణదారుడు దాడి

కడప బస్టాండ్​లో ఓ ప్రయాణికుడిపై దుకాణదారుడు కర్రతో దాడి చేశాడు. చిల్లర విషయంలో వివాదం జరగ్గా... ఆగ్రహానికి గురైన దుకాణదారుడు దాడి చేశాడు.

కడప ఆర్టీసీ బస్టాండ్​లో ఓ ప్రయాణికుడిపై దుకాణదారుడు కర్రతో దాడి చేశాడు. ప్రయాణికుడి తలకు తీవ్ర గాయమైంది. వెంటనే అతన్ని స్థానిక ఆస్పత్రికి తరలించారు. బస్టాండ్​లో మహబూబ్​భాషా శీతల పానీయాల దుకాణం నిర్వహిస్తున్నాడు. అతని దుకాణంలో రవి అనే వ్యక్తి పని చేస్తున్నారు. దుకాణంలో నీళ్ల సీసా కొనుక్కునేందుకు ఓ ప్రయాణికుడు వచ్చాడు. చిల్లర ఇవ్వడానికి దుకాణదారుడు ఆలస్యం చేయడంతో... ప్రయాణికుడు ప్రశ్నించాడు. ఆగ్రహానికి గురైన దుకాణదారుడు కర్రతో ప్రయాణికుని తలపై బలంగా కొట్టాడు. స్థానికులు అతన్ని రిమ్స్​కు తరలించారు.

ఇదీ చదవండీ...