కడపలోని రవీంద్రనగర్లో విషాద చోటుచేసుకుంది. తండ్రీకొడుకుల మధ్య జరిగిన వాగ్వాదంలో తండ్రి హత్యకు గురయ్యాడు. రవీంద్రనగర్కు చెందిన సయ్యద్ కాసిం సాహెబ్కు నలుగురు సంతానం. 2వ కుమారుడు ముబారక్.. జులాయిగా తిరుగుతున్నాడు. అయితే తండ్రి కాసిం సాహెబ్ ఇటీవల ఓ స్థలాన్ని విక్రయించాడు. దానికి సంబంధించి డబ్బు విషయంలో ముబారక్, సాహెబ్ల మధ్య వాగ్వాదం జరిగింది. ఈ క్రమంలో కోపోద్రిక్తుడైన ముబారక్ పక్కనే ఉన్న కత్తితో తండ్రి కడుపులో పొడవగా.. అతను అక్కడికక్కడే కుప్పకూలిపోయాడు. గమనించిన కుటుంబ సభ్యులు.. వెంటనే ప్రభుత్వ సర్వజన ఆసుపత్రికి తరలించారు. చికిత్స పొందుతూ మృతి చెందినట్లు తెలిపారు. ఈ ఘటనపై కేసు నమోదు చేసి దర్యాప్తు చేస్తున్నట్లు కడప పోలీసులు వివరించారు.
ఇదీ చూడండి:
