ఇంటి స్థలాల పంపిణీలో వైకాపా నాయకులు మామూళ్లు వసూలు చేస్తున్నారని అధికారులకు ఫిర్యాదు చేసినందుకు... తమకు స్థలాలు ఇవ్వడం లేదంటూ... పశ్చిమగోదావరి జిల్లా ఏలూరు కలెక్టరేట్ వద్ద బాధితులు ఆందోళన చేపట్టారు. జిల్లాలోని వివిధ ప్రాంతాల నుంచి కలెక్టరేట్‌కు చేరుకున్న ప్రజలు..... అర్హులైన పేదలకు ఇంటి స్థలాలు ఇవ్వాలని నినాదాలు చేశారు. వైకాపా నాయకులు మామూళ్లు వసూలు చేస్తున్నారని... డబ్బు ఇచ్చిన వారికే స్థలాలు మంజూరు చేస్తున్నారని ఆరోపించారు. గతంలో ఇంటిస్థలాలు ఇచ్చిన పట్టాలు రద్దు చేసి... అదే స్థలాల్లో ఇతరులకు పట్టాలిస్తున్నారని ఆవేదన వ్యక్తం చేశారు. కలెక్టర్‌కు వినతిపత్రం అందజేసి... తమను ఆదుకోవాలని కోరారు.
ఇదీ చదవండి: 'చేదోడు కాదది.. జగన్మాయ పథకం... అబద్ధమే వైకాపా ఆయుధం'
