పశ్చిమ గోదావరి జిల్లా కావలిపురంలో మందు దొరక్క.. కొందరు యువకులు స్పిరిట్ తాగిన ఘటనలో.. మృతుల సంఖ్య మూడుకు చేరింది. మిగిలిన ముగ్గురు తక్కువగా తాగిన కారణంగా ప్రాథమిక చికిత్సతో కోలుకున్నారు.
తణుకు మండలానికి చెందిన ధర్నాల నవీన్ మూర్తిరాజు, అల్లాడి వెంకటేష్, పండూరి వీరేష్, తణుకు దుర్గారావు, కె. వెంకటదుర్గాప్రసాద్, విప్పర్తి శ్యాంసుందరం స్నేహితులు. వీరిలో వీరేష్.. తణుకులోని కెమికల్స్ దుకాణంలో పనిచేస్తుండేవాడు. మందు దొరకడం లేదని యజమానికి తెలియకుండా దుకాణం నుంచి డైల్యూటెడ్ స్పిరిట్ను తీసుకువచ్చాడు. ఆరుగురు కలిసి శీతలపానీయంలో కలుపుకొని తాగారు. వీరిలో తొలిగా నవీన్ అస్వస్థతకు గురైయ్యాడు. ఇతన్ని తణుకు ఆసుపత్రికి తరలిస్తుండగా మార్గమధ్యంలో మృతి చెందాడు.
వేల్పూరునకు చెందిన అల్లాడి వెంకటేష్, కావలిపురానికి చెందిన పండూరి వీరేష్కూ అదే పరిస్థితి ఎదురైంది. మార్గమధ్యంలో వెంకటేష్ చనిపోయాడు. వీరేష్కు చికిత్స అందిస్తున్నా.. స్పందన లేకపోవడం వల్ల వైద్యులు అతన్ని ఇంటికి పంపించేశారు. అతనూ మార్గమధ్యంలో మరణించాడు. ఘటనపై ఎక్సైజ్ పోలీసులు విచారణ చేస్తున్నారు.
ఇదీ చదవండి:
