ఎస్ఈబీ అధికారుల తనిఖీలు.. తెలంగాణ మద్యం పట్టివేత

పశ్చిమగోదావరి జిల్లా కామయ్యపాలెం తనిఖీ కేంద్రం వద్ద ఎస్​ఈబీ అధికారులు తెలంగాణ మద్యాన్ని పట్టుకున్నారు. ముగ్గురు యువకులను అదుపులోకి తీసుకొని జీలుగుమిల్లి పోలీసులకు అప్పగించారు.

పశ్చిమ గోదావరి జిల్లా జీలుగుమిల్లి మండలం కామయ్యపాలెం తనిఖీ కేంద్రం వద్ద గురువారం అక్రమంగా తరలిస్తున్న మద్యాన్ని స్పెషల్ ఎన్ఫోర్స్​మెంట్​ బ్యూరో అధికారులు పట్టుకున్నారు. తెలంగాణ అశ్వరావుపేట నుంచి తాడేపల్లిగూడేనికి తరలిస్తున్న 14 మద్యం సీసాలు, మోటార్ సైకిల్ ను స్వాధీనం చేసుకున్నట్లు ఎస్ఈబీ కానిస్టేబుల్ పోతురాజు తెలిపారు. ముగ్గురు యువకులను అదుపులోకి తీసుకొని మద్యంతో పాటు జీలుగుమిల్లి పోలీస్ స్టేషన్​కు అప్పగించామని చెప్పారు. అక్రమ రవాణాపై ఎస్సై విశ్వనాథ బాబు కేసు నమోదు చేసి దర్యాప్తు చేస్తున్నారు.

ఇదీ చదవండి: అదుపుతప్పి చెట్టును ఢీకొట్టిన ఆటో: ముగ్గురికి గాయాలు