పశ్చిమ గోదావరి జిల్లా జంగారెడ్డిగూడెంలో తెదేపా, వైకాపా నాయకుల వాగ్వాదంపై ఆర్డీఓ ప్రసన్న లక్ష్మి విచారణ చేపట్టారు. జడ్పీటీసీ నామినేషన్లకై వైకాపా నాయకులు తనను బెదిరించారంటూ మంగళవారం తెదేపా అధినేత చంద్రబాబుతో కలిసి తెదేపా అభ్యర్థి పారేపల్లి నరసింహమూర్తి ఈసీకి ఫిర్యాదు చేశారు. ఈసీ అదేశాల మేరకు జిల్లా కలెక్టర్ విచారణ చేపట్టాల్సిందిగా జంగారెడ్డిగూడెం ఆర్డీవోను ఆదేశించారు. ఆర్డీఓ ప్రసన్న లక్ష్మి ఇరు పార్టీల నాయకులతో మాట్లాడారు. వైకాపా నాయకులు ఇబ్బందిపెట్టి నామినేషన్లు ఉపసంహరించుకునేలా చేశారని పారేపల్లి నరసింహమూర్తి అన్నారు. ఏకగ్రీవం చేసిన ఎన్నికను రద్దు చేసి తిరిగి ఎన్నికలు జరిగేలా చూడాలని డిమాండ్ చేశారు. పోలీసులు, ఇతర శాఖ అధికారులు వైకాపాకు అండగా ఉంటున్నారని తెదేపా నాయకుడు రామ్ కుమార్ ఆరోపించారు.
ఇదీచూడండి. ఎన్నికల వాయిదాపై సుప్రీం తీర్పును స్వాగతిస్తున్నాం: పితాని
